NEGREIRA 0 - BERGANTIÑOS 1

Así se veu o encontro dende Carballo :
O Bergantiños fixo a hombrada ante o Negreira

Gol: 0-1, min 26: Iván Amor rematou impecablemente un centro de Toja.
Árbitro: José Ramón Jiménez Alberte (Ourense). Estivo moi mal. Non pitou un penalti claro por mans dun defensor local a centro de Toja (min 60) e anulou incomprensiblemente un gol a Sergio en remate de cabeza (min 75).
Incidencias: Boa entrada no campo municipal Jesús García Calvo, con 250 afeccionados nas bancadas. Poucos seguidores procedentes de Carballo, pero se fixeron notar.
Albor; Jesús Torres, Rendo, Diego Xesto, Óscar Vidal (Óscar Ramos, min 84); Nacho, Cuqui (Juan, min 39), Peloto, Gonzalo; Dani Méndez e Adán (Chava, min 76).
Yáñez; Marcos, Sergio, Roberto Feáns, Pablo Domínguez; Toja, Héctor, Trovo (Miguel Taibo, min 83), Ramón (Rebollo, min 74); Efrén e Iván Amor (Moreiras, min 63).
O Bergantiños conseguiu un triunfo balsámico, posto que supera ao Negreira na clasificación e sitúase no posto 13 da Terceira División, salvado do descenso polo efecto fervenza aínda que baixen Montañeros , Celta B e Coruxo.
O encontro comezou cun Negreira envorcado sobre a portería do Bergantiños. O meta David Yáñez luciuse nun gran remate de Rendo (min 9), e Jesús Torres lanzou fose cando parecía o máis difícil (min 20). O equipo de Chus Baleato comezou a impor o seu xogo despois de cambiar do 4-4-2 co que comezou ao 4-4-1-1. Iván Amor, despois de marcar, dedicouse a pechar o xogo do rival, que canalizaba Cuqui. Desta forma xa se chegou ao descanso co marcador que se convertería en definitivo.
Na segunda parte, o Negreira buscou un fútbol directo, que facilitou o traballo dun Bergantiños que tivo a seguridade que daban os centrais Roberto Feáns e Sergio. Tamén o meta David Yáñez mostrouse moi seguro nos balóns que colgaron sobre a súa área.
A mellor ocasión dos nicrarienses foi un remate franco de Nacho, pero o balón saíu lonxe do feudo do meta carballés (min 51).
O tempo transcorría e o equipo de Chus Baleato soubo manter a calma, aínda que o colexiado non quixo pitar un penalti clarísimo na área local por mans dun defensor no centro de Toja (min 60). Pero a acción que foi máis clamorosa foi o tanto anulado a Sergio, tras rematar de cabeza un saque de esquina. Ninguén entendeu esa decisión (min 75), que contribuíu á tensión con que se viviu o partido nos últimos minutos, xa que o colexiado Jiménez Alberto prolongou o encontro de forma inesperada e o Negreira buscou, a base de colgar balóns na área, unha oportunidade para nivelar o partido e, en consecuencia, non perder un posto na clasificación xeral en favor do Bergantiños.
Fonte :  Edición de Carballo da Voz de Galicia