XUSTICIA ROMANA DENDE A AGRUPACIÓN

"A xusticia é a constante e perpetua vontade de dar a cada un o seu."
Ulpiano, xurista romano.

Parecen confirmarse os rumores que circulaban polo Val de Barcala dende fai quince días , e dos que se fixo eco radio Negreira , dando a nova en horario de máxima audiencia . Estes non son outros , que a medida exemplarizante tomada pola Agrupación de deportistas veteranos de Santiago , en contra dos intereses "pouco deportivos" , de un dos equipos que compiten na División de Honor , a raíz da reclamación do casa Barqueiro .

A punta do iceberg , e que este equipo anotou a un xogador que alternaba as competicións de fútbol federado e fútbol veterano . Decimos que é so a punta do icebreg , porque neste ruxe-ruxe , chegouse a decir por parte de algún dos implicados (que xogaron sen estar fichados) que participaron rapaces en "idade escolar" .
A sanción imposta é a perda de nove puntos na competición , e os cinco anos para poder voltar a xogar en veteranos ó implicado .
Lamentablemente este episodio , xa repetiu con este equipo anos atrás co intento da compra dun partido ( a cantidade vamonola resevar pero era interesante) , para tentar evitar o descenso , implicando en él neste caso ó noso conxunto . A nobleza do Dodro quedou demostrada naquel intre , o facer valer ante todo o espíritu dos veteranos e negarse en redondo a tal amaño . Nós fixemos na última xornada os deberes e iles non , por iso continuamos en División de Honor .
Por iso debemos mostrar respecto a conxuntos como o Lalín que xa descendido está a xogar con dez moitos partidos , pero tenta rematala tempada da maneira máis digna posible .
Mentrás outros adulteran a competición , co único obxectivo de permanecer , nunha categoría a costa do que sexa , parece como si co descenso , os patrocinadores , os ingresos por televisión e outro tipo de emonumentos se foran a deixar de precibir .
Aquí debe imperar o "espíritu veterano" de pasar un bo rato cos amigos e compañeiros , estes na categoria que estes , sempre tentando de mellorar deportivamente os teus resultados e de estar o máis arriba posible , pero sen por eso ter que pisar a ninguén .
Esperemos que esta sanción faga recapacitar a aqueles que dan as costa ó "fair play" , e non teñamos que chegar en veteranos ó extremo de facer revisión de fichas antes de cada encontro , sería lamentable .
Dende a directiva propoñemos , para sacar este mal sabor de boca que nos está a deixar a todos esta nova , e celebrar o fín de tempada , que adoremos en datas próximas , ós mesmos deuses que Ulpiano adoraba , e así como Saturno deboraba ó seu fillo , nós fagamos o mesmo cunha suculenta paella ou un bo churrasco . Ó mesmo tempo rendiremos , como non pode ser de outra maneira , pleitesía o deus Baco , deus do viño , e tan idolatrado polos membros da nosa plantilla , xunto coa deusa Ceres sen a cal non poderíamos degustala tan socorrida cervexa.