NOVOS ÉXITOS PARA O FÚTBOL SALA BASE

FONTE: concellodenegreira.es
A Escola Deportiva Municipal de Fútbol Sala volveu clasificar aos seus equipos Benxamín e Alevín para a fase final intercomarcal da Liga Escolar 2012-2013 logo de proclamarse campións durante a fase final comarcal celebrada o pasado sábado día 16 no pavillón de A Baña. Non tiveron a mesma sorte os conxuntos Cadete e Infantil feminino de O Cotón, quenes caeron pola mínima cos equipos da escola anfitriona.

En semifinais, os Benxamíns venceron aos de A Baña por un contundente 7-1, e xa na final impuxéronse por 5-3 á Escola Deportiva Os Miudos, de Muros, quenes anteriormente venceran nos penaltis a Brión, tralo empate a tres goles. En Alevíns, en semifinais gañaron 7-2 a Mazaricos, e na final polo mesmo marcador aos Miudos que gañaran 2-6 a Brión.