martes, 6 de marzo de 2012

CLASIFICACIÓN FINAL DA LIGA DE FÚTBOL SALA DEPORTE ESCOLAR

CLASIFICACIÓN FINAL DA LIGA REGULAR 2011-2012 , NAS CATEGORIAS BENXAMÍNS E ALEVÍNS DAS ESCOLAS DEPORTIVAS DE FÚTBOL SALA DE NEGREIRA QUE COMPETIRON NA COMARCA MUROS-XALLAS-BARCALA .CAMPIONATO E SUBCAMPIONATO PARA OS DE NEGREIRA NA COMPETICIÓN DE DEPORTE ESCOLAR DA COMARCA MUROS-XALLAS-BARCALA , NAS CATEGORIAS ALEVÍN E BENXAMÍN .

Os alevíns acadaron a primeira posición logo de rematar con tan so unha derrota ante o equipo de Brión , proclamandose así por segundo ano consecutivo Campión Comarcal logo do éxito do 2010 e como xa acontecera nos anos 2007 e 2001 . No ano 2001 acadaría tamén o Campionato Intercomarcal e remataría 4º no Provincial , no 2007 quedaría 4º no Intercomarcal e o ano pasado foi o Subcampión desta mesma fase .
En cantos ós Benxamíns remataron na primeira posición tamén con tan so unha derrota , empatados a puntos co conxunto muradán de Os Miudos , pero a diferencia de goles situa a estes últimos no máis alto da taboa clasificatoria . Os Benxamíns veñen de refrendar así a súa boa saúde deportiva logo de selo Campión durante os tres últimos anos (2009-2010-2011) o que hai que sumalo Campionato do 2006 . Na Intercomarcal sería terceiro no ano 2006 e 2010 , Subcampión na edición de 2009 e Campión na do 2011 o que lle daría dereito a participar no Provincial onde remataría finalmente cuarto .
Hai que sumar a estes éxitos os do equipo de Benxamíns de O Cotón que a pesar de ser todos eles de primeiro ano estiveron a piques de meterse na fase final , ó rematar finalmente 6º a tan so tres puntos da última praza que daba dereito ó pase a esta fase , e mellorando os resultados acadados na pasada campaña .
Destacar tamén os progresos do equipo feminino Alevín de O Cotón que rematou na décima posición xeral e como segundas dos equipos femininos que participaban na competición . Este equipo que adestra dende fai un par de anos tan so , experimentou unha gran mellora no seu xogo e resultados , e quen sabe se nun futuro próximo pode repetilo éxito de aquelas rapazas que no 1998 foron Campionas Comarcais Infantís e Subcampionas no Intercomarcal .

No hay comentarios :